الهدف
بعد هالدرس تقدر تسجّل Apple Developer account، تفتح Google Play Developer account، تسوّي app record على المنصتين، وتكمّل إعداد البنك والضريبة على الاثنين.
ليش هذا الحين؟
ترى ما تقدر ترفع أي build على أي منصة قبل ما تفتح الحساب. Apple تاخذ 48 ساعة تقريبا تعتمد الحساب — يعني لو بدأت هالخطوة اليوم راح تكون جاهز تبدأ الرفع باجر. Google بعد تاخذ 24-48 ساعة للتحقق. كل ما بدأت أبكر، قل الوقت اللي يضيع عليك.
الفكرة
عندك ستورين، مو واحد. iOS = App Store Connect (Apple). Android = Play Console (Google). كل منصة لها fee مختلفة وطريقة تسجيل مختلفة:
- Apple Developer Program: $99 في السنة. فرد؟ Apple ID يكفي. شركة؟ تحتاج DUNS number من Dun & Bradstreet — تطلبه مجانا من apple.com، يوصل خلال 5-7 أيام عمل.
- Google Play Developer: $25 دفعة واحدة لكل الحياة. تحتاج Google account عادي.
أهم نقطة في هالدرس: bundle ID (iOS) و package name (Android) تتقفل عند أول رفع ولا تتغير أبدا. اختارهم صح من البداية — المعتاد com.اسمك.اسم_التطبيق.