من الفكرة لين التطبيق — 60 دقيقة على مشروعك إنت
سواء تبي رأي وخطة، حل لقرار واقف بطريجك، أو تبي نستلم بناء التطبيق كامل — نقعد على مشروعك ونحدد أنسب طريق له. تدفع، والمساعد راح يعرض لك المواعيد المتاحة ويحجز اللي تختاره على طول.
بعد الدفع مساعد المجلس يعرض لك المواعيد ويحجز اختيارك — بدون انتظار إيميل.
لمن هالمكالمة؟
تناسبك إذا
- عندك فكرة تطبيق وتبي تختبرها، تخططها، أو تبي أحد يبنيها لك كاملة.
- بديت تبني وعلقت بشي محدد: الاشتراكات، الستور، الـ AI، ولا الأداء.
- تطبيقك جاهز وآبل ترفضه، وما فهمت شنو يبون بالضبط.
- عندك شي شغّال وتبي تطوره، تطلقه، تسوّق له، أو تسلّمنا تنفيذه.
لا تحجز إذا
- عندك سؤال واحد صغير. لا تدفع عليه، اسألني بالرسايل.
- ما عندك فكرة أصلاً وتبي وحدة. المكالمة ما تعطيك فكرة، تشتغل على فكرتك إنت.
- تبي شرح مرتّب من الصفر. هذا المجلس نفسه، مو المكالمة.
شنو تطلع فيه من المكالمة
- قرار واحد واضح على السؤال اللي جاي عشانه، مو قائمة خيارات ترجع بها لنفس الحيرة.
- الخطوات بالترتيب، من مكانك الحين لين أول نسخة تقدر تنزلها فعلاً.
- الأدوات اللي أشتغل فيها أنا بنفسي، وليش هذي بالذات مو غيرها.
- إذا تبي نبنيه لك: نطاق عمل واضح وخطوة فعلية نحو عرض السعر والتنفيذ.
- ملخص مكتوب يوصلك بعد المكالمة: القرارات، الخطوات، والأشياء اللي ما تسوى وقتك.
- تسجيل المكالمة إذا حبيت، ترجع له بدل ما تكتب وإنت تتكلم.
الملخص المكتوب هو الفرق بين المكالمة وبين رد سريع بالرسايل: بعد أسبوعين لمن تنسى نص الكلام، الورقة باقية عندك.
منو أنا، وليش تسمع مني
بنيت ونزّلت هالتطبيقات بنفسي، وكلها منشورة على App Store وGoogle Play. نفس الطريق اللي راح نتكلم فيه: فكرة، مواصفات المنتج (PRD)، بناء، مراجعة المتجرين، نشر.
- Gymnastics AI Coach CheckForm App Store Google Play
- AI Juggling Coach: Flow App Store Google Play
- Skate Score: AI Coach & Judge App Store Google Play
- Pole Stars: AI Coach & Judge App Store Google Play
- Cheer Sharp: AI Cheerleader App Store Google Play
- Dead Hang: AI Calisthenics App Store Google Play
دفعة وحدة، ما تتجدد. كل الأسعار بالدولار الأمريكي (USD).
شنو يصير بعد ما تدفع
- 1 تدفع، وتوصلك رسالة تأكيد على طول.
- 2 ترجع لهني، ومساعد المجلس راح يعرض لك المواعيد المتاحة بتوقيتك.
- 3 تختار موعد واحد، وهو يحجزه ويطلع لك تأكيد Cal.com.
- 4 بعد المكالمة يوصلك الملخص المكتوب.
ما فيه نظام حجز ولا تقويم تختار منه ساعة. الترتيب كله بالإيميل وأنا اللي أرد عليك بنفسي — هذا يعني ساعات مو ثواني، بس يعني بعد إن الموعد متفق عليه إنت وأنا مو مفروض عليك.
أسئلة متكررة
أقدر أأجل الموعد؟
إي. قول لي قبل الموعد بـ 24 ساعة ونحطه بيوم ثاني، وما عليك شي. إذا ما حضرت وما قلت لي، الموعد يروح، وما أقدر أحجز نفس الساعة مرتين.
المكالمة بأي لغة؟
كويتي عادي، والمصطلحات التقنية تبقى إنجليزي مثل ما هي بالشغل. إذا تفضل إنجليزي كامل، قول لي بالإيميل ونتكلم إنجليزي.
لازم أكون بديت أبني شي؟
لا. تكفي فكرة واضحة أو مشروع تبي تسويه. نقدر نطلع بخطة، نحسم قرار، أو نحدد شلون نستلم بناءه لك كامل.
وإذا شفت إن اللي أبيه مو من شغلك؟
أقول لك على طول من الرسايل قبل ما نحجز الموعد، وأرجّع لك المبلغ كامل. ما آخذ فلوس على مكالمة أعرف من قبلها إني مو الشخص الصح لها.
كيف أدفع؟
بطاقة، وصفحة الدفع من Dodo. السعر بالدولار الأمريكي، والدفعة وحدة — ما فيه اشتراك ولا تجديد.
تبي نستلم البناء كامل؟
تقدر تبدأ بالمكالمة عشان نحدد النطاق سوا، أو ترسل التفاصيل من هني مباشرة. ما فيه سعر ثابت لأن كل مشروع على قده — أقرا طلبك وأرد عليك بعرض سعر على الإيميل خلال يومين عمل.